Presidenti i Kolumbisë, Gustavo Petro, ka paralajmëruar se është i gatshëm të “marrë armët” nëse Shtetet e Bashkuara vendosin ta sulmojnë atë ose vendin e tij, pas deklaratave kërcënuese të bëra nga ish-presidenti amerikan Donald Trump.
Në një reagim në rrjetin social X, Petro mbrojti politikat e tij kundër trafikut të drogës, duke theksuar se ndërhyrjet ushtarake amerikane në Kolumbi kundër grupeve kriminale rrezikojnë jetën e civilëve, përfshirë fëmijët, dhe mund të nxisin rekrutime të reja në lëvizjet separatiste që kanë qenë në konflikt me shtetin kolumbian për dekada.
“Dhe nëse ata arrestojnë një president që ka mbështetjen dhe respektin e një pjese të madhe të popullit, ata do të nisin një kryengritje popullore”, shtoi Petro.
Petro, një ish-anëtar i grupit të armatosur rebel M19, tha gjithashtu se do ta mbronte Kolumbinë me çdo kusht.
“U betova se nuk do të prekja më kurrë një armë… por për atdheun, do të marr përsëri armët“, tha ai.
Trump e sulmoi Petron të dielën, duke e quajtur atë “një njeri të sëmurë që i pëlqen të prodhojë kokainë dhe ta shesë atë në Shtetet e Bashkuara, dhe nuk do ta bëjë këtë për shumë gjatë”.
Hoy veré si las palabras en inglés de Trump se traducen como dice la prensa nacional. Por tanto, más tarde las responderé hasta saber lo que significa realmente la amenaza ilegítima de Trump.
En cuanto al señor Rubio que desliga autoridades del presidente y dice que el…
— Gustavo Petro (@petrogustavo) January 5, 2026
