Analisti Mentor Kikia, i ftuar në emisionin “Studio 24” me Ola Brukon, deklaroi se Partia Socialiste ka marrë vendim të mbrojë ministren Belinda Balluku, pavarësisht përmbajtjes së dosjes që po hetohet nga SPAK.
Sipas Kikis, kryeministri Edi Rama e bëri të qartë këtë qëndrim gjatë konferencës së fundvitit, duke treguar se nuk e konsideron të rëndësishme përmbajtjen e dosjes prej 16 mijë faqesh apo materialet që ndodhen në USB-në e përmendur.
Kikia: 2025 po mbyllet siç nisi, në të njëjtat kushte mendoj do të nisë edhe 2026, sepse vitet nuk janë fajtorë nëse gjerat na shkojnë keq. Brenda këtij harku kohor megjithatë kishte plot zhvillime dhe ishte një nga vitet më të zhurmshme dhe intensive, me më shumë lajme dhe besoj që i ka çelur siparin për zhvillime goxha të mëdha që mund të ndodhin gjatë 12 muajve të ardhshëm.
Rama në konferencën e fundvitit tregoi se PS e ka marrë vendimin për të mos konsideruar asgjë nga dosja 16 mijë faqe, dhe nuk I intereson se çfarë ka në USB. Ajo që Rama theksoi ishte vulosja e një qendrimi të ri politik ndaj ofensivës së SPAK.
