Varrezat publike të Tufinës, ndodhen në një gjendje shqetësuese ndotjeje.
Pamjet e publikuara nga JOQ tregojnë grumbuj mbetjesh urbane, plastikë dhe inerte të hedhura pranë dhe mes varreve, duke krijuar një situatë që cenon rëndë dinjitetin e të ndjerëve dhe ndjenjat e familjarëve që vizitojnë këtë vend kujtese.
Zona është kthyer në një ambient të ngjashëm me një vendgrumbullim mbetjesh, pa asnjë ndërhyrje të dukshme nga shërbimet e pastrimit apo strukturat përgjegjëse të Bashkisë së Tiranës.
