Një 36-vjeçar është arrestuar nga policia, pasi akuzohet për pengmarrje.
Sipas Policisë në pranga ka rënë shtetasi me iniciale, J.K pasi më datë 1 Korik, në bashkëpunim me 3 shtetas të tjerë kanë marrë me forcë, në automjet, dhe kanë dhunuar një 48-vjeçar.
I riu është kapur në Rinas në tentativë për të ikur jashtë vendit.
“…Është pranga shtetasi J. K., 36 vjeç, banues në Durrës, pasi Prokuroria e Durrësit ka lëshuar urdhër ndalimi për veprën penale “Heqja e paligjshme e lirisë”, kryer në bashkëpunim. Ky shtetas, akuzohet se në bashkëpunim me 3 shtetas të tjerë, më datë 01.07.2025, kanë marrë me forcë, në automjet, dhe kanë dhunuar një 48-vjeçar. 36-vjeçari u kap nga shërbimet e Policisë Kufitare të Rinasit, gjatë tentativës për të dalë nga Republika e Shqipërisë”, sqaron policia.
