Kryeministri Edi Rama ka pranuar dështimin e tij spektakolar me mbylljen e ‘TikTok’ që në fakt asnjëherë nuk u mbyll realisht! Ai deklaron se nuk do ta zgjasë ndalimin 1-vjeçar të rrjetit social TikTok.
Në një intervistë për Politico, kreu i qeverisë bëri me dije se kanë arritur një partneritet me platformën dhe se së shpejti do t’i prezantojë publikut shqiptar masat e reja mbrojtëse.
Rama pranoi se ndalimi nuk e ka zgjidhur dhunën në shkolla, por tha se ka ndihmuar në vendosjen e mekanizmave të rinj mbrojtës me TikTok. Ai gjithashtu përjashtoi mundësinë që Shqipëria të mbështesë kufizime të përgjithshme të mediave sociale për të miturit, duke i quajtur ato joefektive, ndërsa riafirmoi synimin për anëtarësim në BE në vitin 2030.
