Sot zhvillohet në Apelin e Gjykatës së Posaçme seanca gjyqësore ndaj zv.kryeministres Belinda Balluku, e cila ka kërkuar heqjen e masave të sigurisë të vendosura ndaj saj nga GJKKO. Balluku ka ankimuar masën e pezullimit nga detyra dhe ndalimin e daljes jashtë shtetit.
Ndërkohë, në Gjykatë janë paraqitur edhe dy bashkëpunëtorët e saj, drejtori i KESH-it Erald Elezi dhe kreu i ARRSH-së Gentian Gjyli, të cilët ndodhen nën masën e sigurisë “arrest shtëpie”, të shoqëruar nga përfaqësuesit e tyre ligjorë.
Ndaj Belinda Ballukut rëndojnë akuzat për shkelje të barazisë në tenderë, lidhur me tenderin për Tunelin e Llogarasë, me vlerë rreth 210 milionë euro, si edhe për 7 lotet e Unazës së Madhe, projekt për të cilin janë prokuruar rreth 450 milionë euro. Ankimi i Ballukut dhe i dy vartësve të saj po shqyrtohet nga gjyqtarja Miliana Muça.
LEXO EDHE
Pezullimi i Ballukut, 3 alternativat para Gjykatës së Apelit të Posaçëm
