Një shtetas shqiptar, i identifikuar si Ibrahim Sollaku, 33 vjeç, ka pranuar se është përpjekur të ndihmojë në kontrabandimin e pesë shqiptarëve në Mbretërinë e Bashkuar me një kamion, raporton BBC.
Sipas raportimeve, Sollaku nga Wilton Avenue, Southampton, u arrestua në Bournemouth, Belgjikë më 5 nëntor, ku oficerët e kishin pikasur bashkë me një të dyshuar tjetër duke tentuar të kalonin ilegalisht me kamion 5 shqiptarë drejt Anglisë.
Gjithashtu gjatë kontrollit në banesën e tij janë gjetur dhe sekuestruar më shumë se 90 doza me kokainë gati për shitje. Sollaku u deklarua fajtor për konspiracion për të ndihmuar imigracionin e paligjshëm dhe posedim me qëllim furnizimin me drogë të klasit A.
Ai do të dënohet më 15 janar të vitit 2026. Ndërkohë bashkëpunëtori i tij, identiteti i të cilit ende nuk bëhet me dije është liruar me kusht.
