Ish-deputeti Edmond Spaho, që ka qenë kritik për zhvillimet e fundit në Partinë Demokratike, iu është përgjigjur atyre që e akuzojnë pse po flet tani për gjendjen ku ndodhet PD-ja.
Edmond Spaho shkruan se Partia Demokratike po sillet si pemë pa kokë.
Ai shton më tej se burrat mbahen nga fjala që japin, sidomos kur janë në moshë të thyer, duke iu referuar Sali Berishës.
“Akoma më keq kur të hanë pas krahëve. Flas për burra jo për flamurka”- thekson ai.
Spaho shkruan se kritikat e tij bazohen mbi gabimet 13-vjeçare që kanë bërë sëbashku dhe shton se që të fitojnë duhet strategji e re, njerëz të përkushtuar dhe punë pafund në bazë për të ngritur PD e cila sot duket e vënë përfund.
Postimi i plotë i ish-deputetit Edmond Spaho
Kritikëve të mi! Shikoj shumë militantë që më ofendojnë pa fund në fb për qëndrimet që po mbaj dhe kritikat ndaj udhëheqjes së PD, e cila sipas meje po sillet si pulë pa kokë. Duket që për militantët jam tradhtar. Megjithatë dua t’iu pyes se perse nuk më quajtët tradhtar:
1. Në Shtator 2021 kur nga të parët u rreshtova në krah të Foltores?
2. Në Tetor 2021 kur sëbashku me 4 deputetë të tjerë, përfshirë Sali Berishën, u përjashtova nga PD? Të gjithë në 2025 u futën në listë të mbyllur? Unë jo, dhe nuk u ankova.
3. Kur u përjashtova 50 dite nga Parlamenti sa rrallë ndonjë tjetër?
4. Kur I rashë bilbilit në shenjë proteste 6 orë në Kuvend duke shkelur mbi reputacionin tim sepse besova që do rrëzojmë Ramën?
5. Kur mbroja Nongraten dhe kritikoja Ambasadën dhe Administratën Amerikane, megjithëse reputacionin e kisha si pro amerikan i thekur?
6. Kur çdo ditë së bashku me 5-6 deputetë shkoja tek protesta tek Rruga e Shpresës dhe flisja me shumë se kushdo tjetër? Të tjerë “tanët” kishin ndot të vinin.
7. Kur dola i dyti me vota në primare në gjithë grupin parlamentar dhe nuk u futa në listë të mbyllur dhe prapë nuk u ankova.
Në 35 vjet nuk e kam dredhur asnjëherë dhe I kam qëndruar besnik jo emrave por idealeve të PD.
Në Shtator 2021, kur filloi Foltorja, jam takuar me zotin Berisha në zyrën e tij, me kërkesën e tij për të mbështetur Foltoren. I premtova mbështetje të plotë si dhe i shpreha dy shqetësime:
1. E ke seriozisht këtë lëvizje që po fillon? Mu përgjigj PO. Më vonë kuptova që Foltorja u braktis për interesa që nuk lidheshin me ato me të cilat u krijua.
2. I sugjerova të mos merret me amerikanët, pavarësisht se të kanë rënë në qafë. Të merremi me partinë, ta forcojmë dhe të kthehemi në alternativë qeverisëse. Nuk mu përgjigj.
Së fundi: Burrat mbahen nga fjala që japin. Sidomos kur janë në moshë të thyer. Akoma më keq kur të hanë pas krahëve. Flas për burra jo për flamurka.
Kritikat e mija janë të drejta, bazohen mbi gabimet 13-vjeçare që kemi bërë sëbashku. Që të fitojmë duhet strategji e re, njerëz të përkushtuar dhe punë pafund në bazë për të ngritur PD e cila sot duket e vënë përfund.
Nuk është sot hera e parë që flas. Mendimet e mia prej me shume se dy vjet i kanë me shkrim Sali Berisha dhe Flamur Noka. Kritikat ndaj këtij te fundit mu kthyen ne bumerang. Besova se Foltorja ishte e sinqertë.
