Një 22-vjeçar dhe dy 17-vjeçarë kanë rënë në prangat e Policisë së Tiranës, pasi dyshohet se i kanë hequr lirinë dhe kanë dhunuar një të mitur.
Ende nuk dihen shkaqet që të rinjtë të ndërmarrin këtë akt ndaj të miturit ndërsa, ky i fundit do të hetohet në gjendje të lirë, pasi blutë i kanë gjetur një mjet prerës.
Njoftimi i policisë
“Specialistët për Hetimin e Krimeve të Komisariatit të Policisë nr. 5 arrestuan shtetasin F. L., 22 vjeç, dhe dy 17-vjeçarë, pasi dyshohet se i kanë hequr lirinë një të mituri dhe e kanë goditur me grushte. Për të miturin e dëmtuar nisi procedimi në gjendje të lirë, pasi iu gjet një mjet prerës”, njoftoi sot policia.
“Materialet procedurale iu referuan Prokurorisë së Tiranës, për veprime të mëtejshme”, njofton Policia e Tiranës.
