Këshilli i Lartë i Prokurorisë ka votuar mesditën e kësaj të marte për kreun e ri të Byrosë Kombëtare të Hetimit (BKH).
KLP ka votuar me 11 vota pro, kandidatin e propozuar nga SPAK, Joni Keta, i cili do marrë drejtimin e BKH-së për një mandat 5-vjeçar.
Keta ka mbajtur më parë detyra drejtuese brenda BKH-së dhe aktualisht ushtron funksionin e kreut të komanduar të këtij institucioni. Ai arriti të fitonte në garën me 7 kandidatët e tjerë që kishte përballë: Andi Pogaçe, Artur Beu, Elton Kërluku, Gentian Ndoi, Gentjan Shehaj dhe Gledis Nano.
Kush është Joni Keta
Joni Keta ka shërbyer si Oficer i Policisë Gjyqësore në Prokurorinë për Krimet e Rënda ndërsa pas shkrirjes së kësaj prokurorie dhe marrjen e kompetencave nga Prokuroria e Posaçme, e njohur si SPAK, Joni Keta u përfshi në radhët e Byrosë Kombëtare të Hetimit.
Ai ka qënë pjesë e grupit te hetuesve në operacionin “Ura”, si dhe në operacione të tjera kriminale me shtrirje ndërkombëtare.
Joni Keta ka marrë pjesë në takime të ndryshme të përfaqesueve të SPAK me delegacione të Shteteve të Bashkuara të Amerikës dhe të Bashkimit Europian ndërsa ka përfaqësuar Shqipërinë në shumë takime ndërkombëtare deri në Amerikën Latine.
Joni Keta vjen nga një familje e lidhur me sistemin e drejtësisë, pasi është djali i prokurorit Hysen Keta.
