Detaje të reja janë zbuluar nga vdekja e 70-vjeçares, Bajame Memetali, e cila u gjet e pajetë ditën e sotme në banesën e saj në Korçë.
Fqinja e të moshuarës, ka treguar se e ndjera jetonte e vetme dhe në kushte të vështira. Ajo zbulon se 70-vjeçarja vuante nga probleme shëndetësore dhe se djalin e kishte në burg.
“Më tha komshija ‘ta shikojmë njëherë Bajamen se s’po ndihet’. I thashë që hajde ta shikojmë, ikim bashkë. Ikëm të dyja, morëm dhe komshiun se kishim frikë, u fut ai komshiu dhe më pas ne. Ajo kishte rënë nga divani, i njoftuam të motrën i thamë që ‘hajde se ka vdekur Bajamia’. Lajmëruam edhe policinë. Ne nuk hynim e dilnim me të se ishte mistrece, derën e ka të shkallmuar, ia ka shkallmuar i biri. Jetonte vetëm, as nuk hante e pinte, nuk i dërgonte njeri ushqim.
Dyshuam sepse nuk po ndihej, sepse ajo i gjuante me shkop tavanit të një komshije kur kishte nevoje për diçka. Dhe menduam të shkonim ta shikojmë, e gjetëm të vdekur. Djalin e ka në burg, ajo ishte në vështirësi ekonomike, pa ngrëne pa pirë. Ishte e sëmurë, ra nga kati i katërt dhe u paralizua. Vinte ndonjëherë e motra nga Tirana i bënte shërbim”,- ka deklaruar fqinja për mediat.
