Kryetari i Partisë Demokratike, Sali Berisha, gjatë një interviste në emisionin Çim Peka LIVE, akuzoi kryeministrin Edi Rama se ka vendosur “diktaturën” dhe se qeverisja e tij ka sjellë shpopullimin masiv të vendit.
Berisha theksoi se sipas të dhënave të INSTAT, gjatë periudhës 2007–2014, kur PD ishte në pushtet, popullsia e Shqipërisë shënoi rritje graduale çdo vit.
Por, sipas tij, pas vitit 2014, kur Rama mori drejtimin e qeverisë, situata ndryshoi rrënjësisht.
“Nga 2014 në 2023 janë larguar në hapësirën Shengen 1 milionë e 99 mijë shqiptarë. Kjo është statistikë e EUROSTAT. Pra nuk llogariten ata që u larguan në SHBA, Kanada, Australi, Lindje e Mesme, Norvegji etj. Vetëm të rinj 700 mijë janë larguar,” deklaroi Berisha.
Ai e cilësoi këtë fenomen si pasojë direkte të politikave të qeverisë Rama, duke e përshkruar periudhën aktuale si kalim nga tranzicioni në diktaturë.
