Nga Boldnews.al
Në ato pak mundësi që opozita mund të dilte me një kandidat të saj për postin e Avokatit të Popullit dhe t’i diktonte Parlamentit e prish me duart e saj. Prej katër vitesh ky institucion mbahet peng nga loja e mazhorancës, por edhe apatia deri në çoroditje e opozitës.
Tashmë në Kuvend janë propozuar shtatë emra prej të cilëve një prej tyre pritet të zgjidhet. Kaluan fltrat politik dhe profesional Aranita Brahja, Adriana Kalaja, Besim Ndregjoni, Jola Hysa, Endri Shabani dhe Tartar Bazaj. Avokati i Popullit ka vlerë në hierarkinë shtetërore dhe titullari i saj gëzon imunitet si një anëtar i Gjykatës së Lartë.
Megjithatë opozita duket se e ka trajtuar më mënyrën më të keqe të mundshme deri më tani. Shumë deputetë në “bllokun opozitar” kanë mbështetur njëkohësisht disa kandidatura, madje katër prej deputetëve të PD-së të shtatë kandidaturat.
Por në këtë kakofoni paqartësie PD “mbledh mendjen” dhe nis në Kuvend një emër: Jola Hysën, përbri emrit të së cilës shkruan se mbështetet nga 28 deputetë duke renditur edhe firmat e deputetëve mbështetës.
Të paktën hartuesi i këtij drafti “zyrtar opozitar”, minimalisht duhet të kalojë orë të gjata me “kurse bazë” në matematike. Nga numri rendor 18 kalon menjëherë në 20. Përtej paqartësisë deri në papërgjegjshmëri, edhe kriteret që duhet të plotësojë kandidati janë shkelur.
Arsimimi duhet të jetë ai Juridik, kjo për vetë specifikën e objektit dhe kopetencave të Avokatit të Popullit dhe gjithashtu kërkohet që të ketë edhe 15 vite punë. Kriteri profesional është parë në mënyrë të dukshme amatore, por edhe loja politike futet në punë.
Kandidati Endri Shabani i “kuotuar” ndjeshëm në korridoret e mazhorancës shfaqet se ka mbështetje edhe nga një pjesë e deputetëve të rreshtuar zyrtarisht në opozitë.
Partitë e vogla, një më pranë opozitës dhe një më pranë mazhorancës po bëjnë “dill” të shpejtë duke bërë hesapet me “hanxhinë” për të arritur qëllimin në përzgjedhjen e kandidatit që mbështesin. Avokati i Popullit nuk është garë se kush është angazhuar më shumë politikisht, por cili meriton të jetë gjithpërfshirës, duke plotësuar kriteret së pari profesinale dhe më pas morale.
Vakanca katër vjeçare në këtë institucion po kthehet si proces qesharak, duke i lënë mundësinë mazhorancës që të vendosë të përzgjedhurin e saj, kjo edhe me ndihmën minimalisht amatore të opozitës.
