Një makinë e parkuar është djegur nga flakët gjatë natës në Mirditë.
Rrethanat janë ende të paqarta, teksa pritet edhe ekspertimi piroteknik për rastin, por Policia e Lezhës bëri sot me dije se paraprakisht dyshohet për një defekt teknik.
Mjeti ishte në pronësi të një 53-vjeçareje nga Tirana, të cilës iu mor dëshmi, ndërsa dëmet janë vetëm materiale.
“Specialistët për Hetimin e Krimeve të Komisariatit të Policisë Mirditë referuan materialet në Prokurori, për ngjarje aksidentale, pasi dyshohet se për shkak të një defekti teknik, ka rënë zjarr në automjetin në pronësi të shtetases M. T., 53 vjeçe, banuese në Tiranë. Si pasojë janë shkaktuar dëme materiale”, tha policia vendore.
Materialet procedurale iu referuan Prokurorisë së Lezhës, për veprime të mëtejshme.
