Argjinatura e Lagunës Kune-Vain është çarë përsëri, duke e rikthyer në vëmendje një nga problematikat e zonës së mbrojtur.
Fenomeni vjen këtë herë në kushte të pazakonta, pasi në zonë nuk ka pasur reshje shiu.
Situata e re ka krijuar ankth dhe panik tek banorët e Rrilës, Barbullonjës dhe Myltes, të cilët gjatë çarjes së parë të argjinaturës qëndruan për më shumë se 10 ditë nën ujë.
Kjo ngre dyshime për dobësimin strukturor të argjinaturës dhe mungesën e ndërhyrjeve afatgjata që mund të zgjidhin njëherë e mirë problemin e erozionit dhe presionit hidrik mbi lagunë.
