Një ngjarje e rëndë ka ndodhur në fshatin Malbardhë të Kurbinit, ku një 21-vjeçar ka kërcënuar kushëririn e tij 18-vjeçar me armë zjarri për motive të dobëta.
Pas disa orësh kërkimesh intensive, shërbimet e Komisariatit të Policisë Kurbin, në kuadër të operacionit policor “Motivi”, arritën të lokalizojnë, kapin dhe arrestojnë F. Ç., 21 vjeç, banues në fshatin Malbardhë.
Nga hetimet paraprake, ka rezultuar se autori ka kanosur me pistoletë kushëririn e tij, A. Ç., 18 vjeç. Gjatë operacionit, policia ka gjetur dhe sekuestruar armën e zjarrit, një pistoletë me krehër dhe municion luftarak.
“Shërbimet e Komisariatit të Policisë Kurbin, pas informacionit të marrë se në fshatin Malbardhë, Kurbin, një shtetas kishte kanosur me armë zjarri kushëririn e tij, shtetasin A. Ç., 18 vjeç, menjëherë organizuan punën për sqarimin e rrethanave dhe dokumentimin ligjor të rastit.
Pas disa orësh kërkimesh intensive, në kuadër të operacionit policor të koduar “Motivi”, u bë i mundur lokalizimi, kapja dhe arrestimi i shtetasit F. Ç., 21 vjeç, banues në fshatin Malbardhë, Kurbin.
Nga veprimet e para hetimore rezultoi se shtetasi F. Ç. ka kanosur me armë zjarri, për motive të dobëta, kushëririn e tij, shtetasin A. Ç, 18 vjeç.
Në vijim të operacionit, shërbimet e Policisë gjetën dhe sekuestruan në cilësinë e provës materiale armën e zjarrit, pistoletë, së bashku me një krehër me municion luftarak.”- njofton policia.
Materialet procedurale i kaluan Prokurorisë Lezhë, për veprime të mëtejshme.
