Deputetja demokrate, Albana Vokshi, ka folur në lidhje me përplasjen e regjistruar pak ditë më parë në degën e PD-së në Kamëz mes, Flamur Nokës dhe anëtares Anila Aliajt.
Vokshi thotë se debati mori përmasa të ekzagjëruara nga mediat, ndërsa ka ngritur akuza se në takim sipas saj kishte çimka dhe spiun.
Ajo mohon më tej që të jetë përjashtuar nga partia Anila Aliaj ashtu sic u raportua më herët.
“Është një ngjarje krejt normale. Debate të brendshme ka në çdo parti edhe në PS, edhe kur nuk ka çimka apo spiunë të futur që e shtrembërojnë debatin që ka ndodhur. Është vetëm një 5 sekondash dhe kjo është normale kur jemi në kushtet e vitit të 13. Nuk ka asgjë të çuditshme dhe shumë e më shumë do të shihni në zgjedhjet e tjera. Narkoshteti do të organizohet të çojë spiunë për ta nxjerrë një 5 sekondësh për ta bërë lajm.
Kam qenë në takime e mbledhje të tjera me strukturat dhe nuk i kam lexuar postimet e zonjës Aliaj, por ajo nuk është shkarkuar, do të ndiqen procedurat normale”, tha Vokshi në A2 CNN.
