Një situatë e pazakontë është raportuar mbrëmjen e kësaj të diele në zonën e Komunës së Parisit në Tiranë, ku një grua është shoqëruar nga policia mes britmave dhe ulërimave.
Sipas një video të publikuar nga JOQ, shihen disa efektivë policie të cilët e tërheqin me forcë gruan drejt makinës së shërbimit, ndërsa ajo dëgjohet teksa ulëret dhe thotë: “E kam patentën!”.
Pavarësisht rezistencës së saj, efektivët arrijnë ta fusin me forcë në makinë.
Ende nuk dihen rrethanat dhe motivet që çuan në këtë shoqërim të dhunshëm. Nuk ka ende informacion zyrtar nga policia mbi arsyen që e ka çuar situatën deri në këtë pikë.
