Shqiptarët në Greqi kanë dhuruar spektakël në qytetin e Selanikut, me rastin e festës së 28-29 nëntorit.
Ata kanë festuar me këngë e valle, teksa nuk kanë munguar as flamujt me shqiponjën dykrenare.
Për këto festime kanë reaguar edhe mediat greke, ndërsa janë ndalur në Selanik, aty ku ‘shqipet’ kanë vërshuar me makinat e tyre në rrugët kryesore dhe para ‘Kullës së Bardhë’, një pikë referimi e këtij qyteti, ndërsa në makina kanë vendosur flamuj të Shqipërisë dhe të UÇK.
“Ata kanë parkuar makinat para Kullës së Bardhë dhe kanë festuar duke kërcyer me flamuj”, shkruajnë mediat greke, ndërsa theksojnë se kjo festë është me rëndësi për të gjithë shqiptarët.
