Një aksident i rëndë është regjistruar pasditen e sotme në aksin Levan–Tepelenë, në fshatin Poçem, ku dy automjete u përplasën me njëri-tjetrin.
Sipas të dhënave paraprake, ngjarja ndodhi rreth orës 16:00, kur mjeti që drejtohej nga shtetasi B.H. u përplas me automjetin e drejtuar nga L.A..
Nga goditja janë plagosur drejtuesi L.A. dhe dy pasagjere, M.H., 44 vjeçe, dhe E.A., 39 vjeçe. Të tre janë dërguar me urgjencë drejt spitalit, ku po marrin ndihmën mjekësore. Burimet thonë se ndodhen nën kujdesin e mjekëve.
“Rreth orës 16:00, në aksin rrugor “Levan-Tepelenë”, në Poçem, automjeti me drejtues shtetasin B. H., është përplasur me automjetin me drejtues shtetasin L. A.
Si pasojë e përplasjes është dëmtuar shtetasi L. A., dhe dy pasagjeret në automjete, shtetaset M. H., 44 vjeçe dhe E. A., 39 vjeçe, të cilët ndodhen në spital, në kujdesin e mjekëve.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.”, njofton policia
