Personi që shihni në foto është Hamza Uka, njëri prej dy të armatosurve që u ngujuan në banesën e Fushë Arrëzit, pranë Julian Cumrakut.
Ai u vetëdorëzua mbrëmjen e sotme pas dhjetëra orësh negociata me forcat RENEA, por rezulton i plagosur.
Sipas raportimeve policia dhe RENEA nuk kanë shtënë drejt objektit gjatë operacionit. Ende nuk dihet mënyra se si është plagosur Hamza Uka.
Sipas burimeve, njëri prej tyre, Juljan Cumraku, 34 vjeç, ka një histori personale që përfshin konvertimin e tij fetar.
Fillimisht Cumraku ka qënë besimtar katolit dhe më pas është konvertuar në fenë myslimane. Sipas informacioneve, ai frekuentonte një xhami në fshatin Kryezi, objekt fetar që prej një kohe të gjatë funksionon pa imam të përhershëm.
Ndërsa personi tjetër, Arben Uka i njohur edhe si Hamza Uka (personi në foto) sipas informacioneve ka qënë edhe Komando në Ushtrinë shqiptare.
Nuk dihet ende lidhja që kanë dyshja me njëri tjetrin apo arsyeja e ngujimit të tyre, ndërsa dyshohet se janë të lidhur me grupe terroriste.
