Një 43-vjeçare është arrestuar nga policia e Tiranës, pasi akuzohet se ka shkaktuar një aksident në gjendje të dehur.
Gruaja e identifikuar me inicialet A. V., duke drejtuar automjetin e saj nën efektin e alkoolit, ka përplasur dy automjete të parkuara.
“Specialistët e qarkullit rrugor arrestuan shtetasen A. V., 43 vjeçe, pasi dyshohet se me automjetin të cilin e drejtonte në gjendje të dehur, ka përplasur 2 automjete të parkuara”, thuhet në njoftimin e policisë.
Autoritetet kanë bërë të ditur se materialet i janë referuar Prokurorisë për veprime të mëtejshme ligjore.
