Kryedemokrati Sali Berisha ka zbuluar edhe një detaj në lidhje me marrjen e tij në pyetje për 2 orë nga prokurorët e posaçëm në SPAK në lidhje me ’21 janarin”.
Berisha zbulon se u pyet nëse Ka dërguar Lulzim Bashën tek Bamir Topi më 22 janar që të ndërhynte te Ina Rama për të zbutur masën ndaj oficerëve të Gardës.
“Nuk më ballafaquan me dëshmi të tjera, e vetmja gjë që më pyetën, Bamir Topi pjesë e skenarit paska shkruar në libër se Basha e ka takuar më 22 janar të ndërhynte te Ina Rama për të zbutur masën ndaj oficerëve të Gardës.
Ishte e pamundur që unë të dërgoja njeri te Bamir Topi që priste të rimerrte mandatin nga Rama. Por Basha nuk e kishte të ndaluar, skishte asnjë direktivë që të mos fliste me Topin.
Nuk mbaj mend ta kem dërguar, por ministri mund të ketë shkuar”, tha ai.
