Pas një operacioni të policisë në Fier është bërë i mundur arrestimi i një shtetasi të shpallur në kërkim.
I arrestuari, shtetasi P. L., 38 vjeç, rezulton i implikuar në veprimtari kriminale të transportimit të kundërligjshëm të emigrantëve në dy qarqe: Tiranë dhe Korçë.
Ai ishte arrestuar më parë nga Policia e Korçës në vitin 2021 për të njëjtën vepër penale.
Në vitin 2023, Gjykata e Apelit e Juridiksionit të Përgjithshëm Tiranë e ka dënuar këtë shtetas me 4 vjet burgim, për veprën penale “Ndihma për kalim të paligjshëm të kufijve”.
Pas lokalizimit dhe kapjes së tij në Fier, P. L. u vu në pranga dhe aktualisht po kryhen veprimet procedurale të mëtejshme nga Drejtoria Vendore e Policisë Tiranë.
