Bashkia e Vlorës ka lëshuar një njoftim zyrtar për qytetarët, duke i paralajmëruar për reshje shiu dhe stuhi që pritet të godasin qytetin bregdetar nga data 17 deri më 21 tetor.
Në njoftim, autoritetet u kërkojnë banorëve të tregohen vigjilentë dhe të shmangin parkimin në zonat me rrezik përmbytjeje, ndërsa grupet e punës pretendohet të jenë “në gatishmëri të plotë” për çdo situatë.
Mesa duket për bashkinë masa e vetme është paralajmërimi pasi kjo nuk është hera e parë që Vlorën e gjen e papërgatitur moti i keq. Edhe më herët, reshjet kanë mjaftuar për të përmbytur rrugët kryesore të qytetit bregdetar, për shkak të mungesës së kanalizimeve dhe mirëmbajtjes së infrastrukturës.
