Organizata e Kombeve të Bashkuara kanë akuzuar ushtrinë izraelite për krime lufte, për shkak të vazhdimit të vrasjes së civilëve palestinezë në Gaza, pavarësisht armëpushimit, që ka hyrë në fuqi pesë ditë më parë.
Sipas Komisionerit të Lartë të Kombeve të Bashkuara për të Drejtat e Njeriut në Palestinë, të paktën 15 palestinezë janë vrarë nga data 10 tetor, në zonat ku ushtria izraelite është rishpërndarë.
Ajith Sunghay, kreu i Zyrës së OKB-së për të Drejtat e Njeriut në Palestinë, deklaroi se goditja e civilëve që nuk marrin pjesë drejtpërdrejt në luftë, përbën një krim lufte, pavarësisht vendndodhjes së incidentit.
Sunghay theksoi rëndësinë e një armëpushimi që jo vetëm të respektohet, por që të çojë drejt një paqeje të qëndrueshme dhe respektimit të plotë të të drejtave të popullit palestinez, përfshirë të drejtën për vetëvendosje.
