Autoritetet italiane kanë arrestuar një 32-vjeçar shqiptar, i dënuar për trafik droge, pasi në banesën e tij ishin gjetur 25 kilogramë kokainë.
Karabinierët e Quattro Castella zbuluan drogën gjatë një kontrolli në qershor të vitit të kaluar, pas një hetimi të gjerë të zhvilluar nga njësia e Scandiano-s kundër trafikut të lëndëve narkotike. Sipas hetimeve, shqiptari kishte një rol të rëndësishëm në shpërndarjen e kokainës në zonën e Reggio Emilias.
Gjatë kontrollit në shtëpinë e tij, policia gjeti pesë çanta të mbushura me pako plastike transparente me kokainë, që peshonin mbi 25 kilogramë. Në kuzhinë u sekuestrua e gjithë pajisja për ndarjen dhe paketimin e dozave: 35 qese plastike për vakum, një rul celofani, një rul plastike dhe dy peshore precize elektronike.
Në një komodinë, hetuesit gjetën edhe 22 mijë euro cash të ndara në pako të ndryshme, si dhe dy telefona celularë.
