Gjykata e Tiranës ka dënuar me burgim të përjetshëm Arsen Muskurtin, pasi më 31 gusht 2022, ai vrau vëllanë e tij, Dritan Muskurtin, dhe kunatën, Nora Muskurtin. Konflikti me vëllanë nisi për pronat dhe më pas kaloi në rrethana familjare.
“Nuk e duroja dot më vëllanë dhe kunatën. E meritonin,”- ka thënë Arsen Maskurti para hetuesve.
Krimi brenda familjes ndodhi pranë një biznesi të Dritan Muskurtit në rrugën “Myslym Shyri”. I akuzuar Arsen qëlloi me një armë zjarri drejt vëllait dhe kunatës, duke I vrarë në vend.
Krimi u parapri nga një konflikt mes vëllezërve Muskurti mbi pronësinë e një agjencie turistike të themeluar prej tyre disa vite para ngjarjes.
Katër ditë para se të qëllohej për vdekje nga vëllai, Dritan Muskurti, kishte kërkuar urdhër-mbrojtje në gjykatë nga Arsen Muskurti,
Arsen Muskurti u shpall fajtor për tre vepra penale:
“Vrasje për shkak të marrëdhënieve familjare” për vrasjen e vëllait të tij, Dritan Muskurti, për të cilën u dënua me burgim të përjetshëm;
“Vrasje për shkak të marrëdhënieve familjare” për vrasjen e kunatës, Nora Muskurti, me dënim po ashtu të përjetshëm;
“Mbajtje pa leje dhe prodhim armësh, armëve shpërthyese dhe municionesh”, për të cilën u dënua me 7 vite burg.
