Presidentja e Komisionit Evropian, Ursula Von der Leyen ka mbërritur në Tiranë dhe pak çaste më parë u prit nga Presidenti Bajram Begaj në një takim në Presidencë.
Pas takimit me presidentin, Von der Leyen do të vijojë me axhendën e saj duke zhvilluar një takim me kryeministrin Edi Rama.
Vizita e saj në Tiranë është në kuadër të një turi në Ballkanin Perëndimor për të theksuar mbështetjen e Bashkimit Evropian për procesin e anëtarësimit të rajonit në BE, dhe për të diskutuar Planin e Rritjes prej 6 miliardë eurosh të BE-së për Ballkanin Perëndimor për periudhën 2024-2027.
