Një operacion policior është zhvilluar mesditën e sotme në qytetin e Elbasanit, duke çuar në arrestimin e disa personave të njohur për lidhjet e tyre me botën e krimit.
Sipas raportimeve paraprake në media aksioni është zhvilluar rreth orës 15:30, në një lokal përgjatë aksit Elbasan–Ish-Metalurgjia, në fshatin Katund i Ri.
Sipas informacioneve paraprake, forcat e rendit kanë rrethuar zonën përreth lokalit përpara se të ndërhynin brenda në ambientet ku dyshohej se ndodheshin personat e kërkuar.
Deri më tani, nuk janë bërë publike identitetet e të arrestuarve dhe akuzat konkrete ndaj tyre, ndërsa pritet që Policia e Shtetit të japë një njoftim zyrtar gjatë orëve në vijim.
Ndërkohë kujtojmë që Elbasani prej vitesh njihet për aktivitetin e grupeve kriminale.
