Seanca plenare e cila po mbahet në Kuvendin e Shqipërisë nisi me debate këtë të enjte, lidhur me vrasjen e gjyqtarit Astrit Kalaja, i cili u vra më 6 tetor në sallën e Gjykatës së Apelit.
Kryetari i Grupit Parlamentar i PD-së, Gazment Bardhi, tha se ministrja e brendshme Albana Koçiu duhet të japë dorëheqjen pas vrasjes së gjyqtarit.
Ai kërkoi që kryeministri Edi Rama të paraqitet në Kuvend për të dhënë shpjegime se pse për 3 vite nuk i është përgjigjur kërkesës së organeve të drejtësisë për të shtuar masat e sigurisë me punonjës policie në gjykatat e vendit.
“Seanca sot duhet të niste dorëheqjen e ministers së brendshme, e paimagjinuaeshme që një gjyqatar të vritet në sallën e gjyqit. E paimagjinueshme që ministrat të gënjejë që policia e shtëtit nuk ka detyrime që të garantojë sigurinë në institucionet e drejtësisë.
Kjo çështje nuk mund të kalojë si një çështje dite. Kurrë në histori nuk ka ndodhur që një gjyqtar të vritet në sallën e gjyqit.
Ministrja e brendshme duht të japë dorëheqje, Rama të vijë dhe të japë shpjegime se për 3 vite nuk i është përgjigjur kërkesës së organeve të drejtësisë për të shtuar masat e sigurisë me punonjës policie në gjykatat e vendit.
