Adratik Lapaj, kreu i Shqipëria Bëhet, i ftuar në “Terminal” në A2CNN, u pyet nëse do të kandidonte për Bashkinë e Tiranës.
“Nëse përgjigjem, i bie që të paragjykoj procesin që po ndodh. Do pres deri në momentin e fundit që do kemi një kandidat të pavarur në Tiranë, që ai të ftojë edhe të majtët. Ka momente që nuk mund të mendojmë për partinë, por totalisht për Shqipërinë”, deklaroi Lapaj.
“Nëse del një zonjë apo zotëri, por unë do të uroja një zonjë, pasi do të ishte një përballje më e balancuar, nëse del një zonjë dinjitoze, e përgatitur, që ka kontribute, dhe shpall kandidaturën e pavarur, do të jem i pari që do dal dhe do e mbështes”, shtoi Lapaj.
Kur u pyet specifikisht për Edlira Çepanin, Lapaj u përgjigj: “Do e mbështesja patjetër. Menjëherë! Ajo është zonjë dhe nëse është ajo, për vlerat që përfaqëson, do ta mbështesnim sepse mendoj se i vlen qytetit”.
