IMT ka ndërmarrë një aksion për shembjen e një godine në zonën e Kombinatit, ku operojnë 12 biznese.
Sako Sakollari, administrator i disa bizneseve në Kombinat, të cilit IMT i shembi sot disa njësi biznesi, ka bërë denoncim të fortë me emra. Në një rrëfim për gazetarin e News24, Osman Stafa, Sakollari tha se para 3 vitesh, drejtori asokohe i IMT-së, Mariglen Qato, i ka kërkuar 200 mijë euro.
Ai tha se para 3 muajsh, sërish inspektorët e IMT-së i shkuar sërish te bizneset, ndërsa pasi e kërcënuan me shembje, i kërkuan 50 mijë euro.
Ai tha se nuk ka pranuar kurrsesi që të bëhet pjesë e paligjshmërisë, ndërsa shtoi se ka bërë kallëzim penal për ato çka pretendon.
“Më thanë “shko tako shefin”. I thashë që s’takoj asnjë shef. Kjo ndodh për shkak se nuk pranoj korrupsion, mbaj përgjegjësi penale”, deklaroi administratori. Shefi para 3 viteve na kërkoi 200 mijë euro, Mariglen Qato që të mos prishej objekti, si bakshish, por ne nuk pranojmë korrupsionin. Para disa muajsh erdhën inspektorë këtu na kërkuan 50 mijë euro për fushatë, erdhën në emër të IMT-së.
Dy inspektorë të IMT më kanë ardhur dje në një drekë varrimi me rrugaçërinë më të madhe më lanë një copë letër dhe më thanë që pas dy ditësh do të shembet objekti, Shkoj i takoj tek shkallët i them kush jeni, më thanë ‘jemi korrierë na ka çuar shefi”. Shefi para 3 viteve na kërkoi 200 mijë euro, Mariglen Qato që të mos prishej objekti, si bakshish, por ne nuk pranojmë korrupsionin. Para disa muajsh erdhën inspektorë këtu na kërkuan 50 mijë euro për fushatë, erdhën në emër të IMT-së.
Çdo gjë është e deklaruar në shtet, 11 mijë euro i jap bankës kredi. Kjo pronë për 11 vite nuk është më e imja, por e bankës. Po prishet për të ndërtuar pallate, nga 5D. Para 3 vitesh shpëtuam nga shembja sepse njoftuam kryeministrin. Mbaj përgjegjësi penale për akuzat që bërë se na kanë kërkuar bakshish. Shteti të veprojë mbi këta banditë të IMT-së”, tha ai.
