Janë zbardhur detaje të reja nga ngjarja e rëndë e regjistruar në Lezhë, ku 65-vjeçari Gjergj Tusha, nga fshati Pllanë, u gjet i dhunuar dhe i vrarë me armë zjarri.
Burime për mediat bëjnë me dije se viktima rezulton i pajisur me tre urdhër mbrojtjeje nga i biri. Në vitin 2022, ai ka marrë urdhër mbrojtje për dhunë fizike dhe psikologjike, ndërsa në vitin 2023 djali i tij është arrestuar për dhunë.
Kujtojmë se Gjergj Tusha ishte denoncuar i zhdukur rreth nga vajza e tij, rreth orës 14:40, e cila kërkoi ndihmën e autoriteteve për gjetjen e babait, pasi kishte humbur kontaktet me të.
Pas disa orësh kërkimesh, ai i gjet pa shenja jete, rreth orës 17:30, në breg të lumit Mat, në Pllanë. Sipas Policisë, nga këqyrja paraprake, viktima ka shenja dhune, përfshirë një plagë në trup, e cila dyshohet se është shkaktuar me armë zjarri.
Ende nuk dihet se kush është autori, si dhe rrethanat e ngjarjes. Policia tha se është ngritur një grup i posaçëm hetimor, i cili ndodhet në vendngjarje dhe, nën drejtimin e Prokurorisë, po punon për sqarimin e rrethanave, dokumentimin ligjor, si dhe identifikimin dhe kapjen e autorit/ve.
