Sot Gjykata e Lartë do të shqyrtojë rekursin e ish-kryebashkiakut të Tiranës, Erion Veliaj, i cili kërkon shfuqizimin e masës “arrest me burg” dhe zbutjen e masës së sigurisë.
Veliaj argumenton se nuk paraqet rrezik për prishjen e provave, pasi SPAK ka mbyllur hetimet dhe ka dorëzuar dosjen në gjykatë.
Nga ana tjetër, SPAK pretendon se ish-kryetari i bashkisë duhet të mbetet në burg, duke argumentuar se disa dëshmitarë ende nuk janë marrë në pyetje para gjykatës.
Gjykata e Lartë do të vendosë përfundimisht mbi kërkesën për ndryshimin e masës së sigurisë.
Ish-kryebashkiaku është arrestuar në shkurt të vitit 2025 dhe është nën hetim për akuza të korrupsionit dhe abuzimit me detyrën.
