Gazetari, Genc Burimi, ishte i ftuar në emisionin ‘Task Force’, ku komentoi zhvillimet politike dhe procesin zgjedhor në Tiranë.
‘Unë nuk them që ju të bojkotoni, por mos ja lini iniciativën Edi Ramës që ta fiksojë ai datën. Sot Berisha është në Strasburg dhe të garantoj që askush në Perëndim nuk do e quante një skandal që u prit 9 muaj pa kryebashkiak, mund të pritet edhe 3-4 muaj. Jo bojkotim, por thjeshtë një datë e ndershme,’ tha Burimi.
Ai u ndal edhe te afatet e fushatës, duke theksuar se standardet ndërkombëtare nuk lejojnë procese të tilla të ngushta.
‘Sot në Perëndim do të bëhej skandal, që ky Edi Rama ju le juve dhe qytetarëve të Tiranës 1 muaj fushatë elektorale. Pse bini në kurthin e këtyre për 1 muaj fushatë. Është një rast i artë me ndërkombëtarët që tu thuhet se, nuk ka zgjedhje për aq kohë sa Gjykata Kushtetuese nuk është prononcuar dhe kjo nuk do shumë mend,’ theksoi ai.
Burimi vuri theksin te presioni që opozita duhet të ushtrojë mbi partnerët ndërkombëtarë.
‘Sot mekanizmi është shantazhi ndaj BE-së, ndaj komisioneres Marta Kos, që nuk ka pikë interesi që të dalë në mediat e mëdha, AFP apo Reuters që në Shqipëri opozita refuzon të shkojë në zgjedhjet e 9 nëntorit, për arsye të puçit kushtetues. Më pas do i kërkohet llogari Marta Kosit dhe Von Der Leyen, me këtë vend po negocioni ju. Me dy zgjedhje në pak muaj, mund të bëni skandal në këtë moment,’ deklaroi gazetari.
