Nuk prodhoi fitues dueli mes Elbasanit dhe Teutës, i vlefshëm për javën e pestë të Kategorisë Superiore
Dy ekipet ndanë nga një pikë në “Elbasan Arena”, pas barazimit pa gola. Pjesa e parë foli më shumë për Teutën, që u ndal nga tranversa.
Në pjesën e dytë, Elbasani u shfaq më kërkues, por nuk arriti të shënojë. Në fund, dy ekipet u detyruan të ndajnë nga një pikë mes tyre.
Si Elbasani, ashtu edhe Teuta vazhdojnë të jenë të pathyeshëm në këtë sezon. Verdheblutë kryesojnë renditjen me 11 pikë, ndërsa durrsakët ngjiten momentalisht në vendin e dytë me 7 pikë.
Po në kuotën e 7 pikëve janë edhe Vllaznia, Vora dhe Egnatia, të cilat do të luajnë ditën e nesërme.
