Policia e Korçës ka shoqëruar gjatë mbrëmjes së djeshme 8 persona, dyshuar për përfshirje në shpërndarjen e lëndëve narkotike në qytet. Dy prej tyre, E. P., 30 vjeç, dhe S. M., 25 vjeç, përfunduan në pranga.
Sipas uniformave blu, gjatë kontrolleve të kryera në banesa dhe automjete, janë sekuestruar dhjetëra doza kanabisi, një shumë parash e dyshuar si e përfituar nga shitja e narkotikëve, një sasi fishekësh për armë gjahu dhe automjeti që përdorej për këtë veprimtari kriminale.
Gjatë kontrollit fizik dhe të automjetit, u gjetën dhe u sekuestruan sasi të konsiderueshme droge.
“Sekuestrohen dhjetëra doza kanabisi, një shumë parash e dyshuar e përfituar nga shitja e dozave, një sasi fishekësh për armë gjahu dhe automjeti që përdornin këta shtetas për këtë veprimtari kriminale.
Si rezultat i kontrolleve të kryera, bazuar në të dhënat e siguruara në rrugë operative, shërbimet e Forcës së Posaçme “Shqiponja” kapën në flagrancë 2 shtetas, ndërkohë që qarkullonin me automjet, me qëllim shitjen e lëndës narkotike kanabis, të ndarë në doza.
Në momentin e ndalimit, gjatë kontrollit fizik ndaj shtetasve E. P. dhe S. M., si dhe gjatë kontrollit në automjet, shërbimet e Policisë gjetën dhe sekuestruan një sasi lënde të dyshuar narkotike kanabis, të ndarë në doza, gati për shitje.“, njofton policia.
