Tejlor Tivari, 21 vjeç, është arrestuar nga policia e Durrësit si autor i vrasjes së Valbon Beqiraj, 51-vjecarit që u gjend i pajetë me disa goditje thike.
Tivari, rezulton të jetë shoku i viktimës Valbon Beqiraj dhe herë pas herë furnizohej pa lekë, me lëndë narkotike kokainë, tek Beqiraj.
Edhe në momentin kur ka ndodhur vrasja, Tejlor Tivari, ka shkuar në banesën ku qëndronte Beqiraj, për të marë lëndën narkotike. Por për shkak të një konflikti mes dy protagonistëve, situata ka shkuar në përplasje fizike dhe përdorim të thikës, duke çuar në vrasjen e Valbon Beqiraj.
Sipas tabelës fotografike, Beqiraj, është gjetur në ambjentet e shtëpisë me disa plagë në trup, ndërkohë kishte të veshura vetëm mbathjet.
Tivari ka treguar në polici se rrugës kur ka shkuar në shtëpinë e Beqiraj, kishte gjetur një thikë dhe me këtë thikë e ka goditur disa herë në trup 51-vjeçarin kur janë përleshur. Ai zbulon se Valbon Beqiraj, në përleshje e sipër e ka goditur disa herë në trup dhe kafshuar në duar.
