Një ditë pasi Këshilli Bashkiak i Tiranës votoi propozimin për shkarkimin e kryebashkiakut Erion Veliaj, kryeministri Edi Rama zhvilloi sot në mesditë një takim në Kryeministri me nënkryetarët e bashkisë dhe Ogerta Manastirliun, kandidaten e Partisë Socialiste për zgjedhjet që pritet të mbahen në Tiranë.
Raportohet se se nënkryetarja Anuela Ristani ka dalë më herët, duke ecur me nxitim drejt makinës së saj, ndërsa Manastirliu dhe pjesëmarrës të tjerë dolën më vonë, pas përfundimit të diskutimeve.
Në orën 18:00, kryeministri pritet të mbledhë gjithashtu ministrat dhe deputetët e qarkut të Tiranës.
Këshilli Bashkiak i Tiranës, me një konsesus të plotë të të gjitha palëve, ka votuar pro kërkesës së socialistëve për shkarkimin nga detyra të kryetarit të Bashkisë së Tiranës, Erion Veliaj.
Në vendimmarrje, Këshilli Bashkiak iu referua pikës c të nenit 62 të ligjit “Për vetëqeverisjen vendore” që thotë se Kryetari i bashkisë shkarkohet me vendim të Këshillit të Ministrave kur propozohet për shkarkim nga këshilli bashkiak përkatës për mosparaqitje në detyrë për një periudhë 3-mujore të pandërprerë.
LEXO EDHE:
Rama thërret deputetët e Tiranës dhe ministrat në Kryeministri
