Robert Myftari, 52 vjeç, i cili ishte shpallur në kërkim ndërkombëtar, është arrestuar sot nga policia në Rinas.
Myftari ishte i dënuar në mungesë nga Gjykata e Shkallës së Parë për Korrupsionin dhe Krimin e Organizuar, me vendimin nr. 63 të datës 22 Qershor 2020.
Ai ishte dënuar për “Trafikim të lëndëve narkotike” në bashkëpunim dhe në kuadër të një grupi të strukturuar kriminal, si dhe për “Pjesëmarrje dhe pastrim të produkteve të veprës penale”.
Hetimet kanë treguar se Myftari kishte bashkëpunuar me shtetas të tjerë për trafikimin e sasive të mëdha Cannabis Sativës nga Shqipëria drejt vendeve të Bashkimit Europian gjatë periudhës 2016-2018.
