Një aksident i rëndë rrugor ka ndodhur mbrëmjen e djeshme në aksin “Katër Rrugët e Shijakut”, në fshatin Pjezë të Durrësit, ku përplasja mes dy automjeteve i ka marrë jetën një të riu 26-vjeçar.
Sipas informacioneve paraprake nga Policia, ngjarja ka ndodhur rreth orës 23:55, kur automjeti tip Volkswagen, i drejtuar nga shtetasi F. R., 19 vjeç, banues në Shijak, është përplasur me automjetin Ford, me drejtues G. K., 26 vjeç, banues në Sukth.
Përplasja ka qenë fatale për 26-vjeçarin G. K., i cili ka ndërruar jetë në vendngjarje. Ndërkohë, drejtuesi tjetër i automjetit, F. R., është transportuar me urgjencë në spital për të marrë ndihmë mjekësore.
“Durrës/Informacion paraprak Rreth orës 23:55, në segmentin rrugor “Katër Rrugët e Shijakut”, fshati Pjezë, automjeti tip Volkswagen me drejtues shtetasin F. R., 19 vjeç, banues në Shijak, është përplasur me automjetin tip Ford me drejtues shtetasin G. K., 26 vjeç, banues në Sukth, Durrës.
Si pasojë, shtetasi G. K. ka humbur jetën në vendngjarje. Ndërsa shtetasi F. R. është transportuar në spital për ndihmë mjekësore, nën mbikëqyrjen e shërbimeve të Policisë, pasi do të vijojnë veprimet procedurale për aksidentin e ndodhur. Grupi hetimor vijon punën për zbardhjen e rrethanave dhe shkaqeve të aksidentit.”, njofton policia.
