Të paktën pesë persona u vranë sot, përfshirë tre fëmijë, në një sulm me dron izraelit në qytetin jugor libanez Bid Jbeil, njoftoi Ministria e Shëndetësisë libaneze.
Sulmi kishte në shënjestër një motoçikletë, sipas agjencisë kombëtare të lajmeve të Libanit, ANI.
Izraeli kryen rregullisht sulme në Liban, duke deklaruar se objektivi i tij është Hezbollahu, pavarësisht një marrëveshjeje armëpushimi që i dha fund më shumë se një viti konflikti në nëntor 2024, duke përfshirë dy muaj lufte të hapur midis Izraelit dhe lëvizjes pro-iraniane të Libanit.
