Policia e Durrësit ka proceduar penalisht në gjendje të lirë për akuzën e kanosjes për shkak të detyrës shtetasin Vullnet Muça alias Muharremi.
Mësohet se ky i fundit është vëllai i personazhit të njohur të botës së krimit Pëllumb Muharremit alias Aleksandër Lahos, i njohur si “Rrumi i Shijakut”.
Burime për mediat bëjnë me dije se Vullnet Muça alias Muharremi ka kërcënuar drejtorin e spitalit të Durrësit, Renis Mullaj dhe është shoqëruar për 5 orë në Polici, ku më pas është lënë sërish i lirë.
Sipas po të njëjtave burime, mësohet se Vullnet Muça (Muharremi) e ka kërcënuar drejtorin e spitalit të Durrësit, pasi i kërkonte që t’i fuste mbesën në punë si infermiere.
“Specialistët për Hetimin e Krimeve të Komisariatit të Policisë Durrës proceduan penalisht shtetasit: V. M., 41 vjeç, banues në Durrës, për veprën penale ‘Kanosja për shkak të detyrës’, pasi ka kanosur për shkak të detyrës shtetasin R. M., me detyrë Drejtor i Spitalit Rajonal Durrës, për t’i futur mbesën në punë.”, thuhet në njoftimin e Policisë.
Kujtojmë se “Rrumi i Shijakut” është prej vitesh në kërkim nga drejtësia, ku ai është dënuar me dy vite burg nga Apeli, pasi i kishte dhënë zyrtarit të Avokatit të Shtetit, Irgen Kërçuku, 600 mijë lekë dhe i kishte premtuar edhe 300 mijë lekë të tjera, për të mos apeluar një çështje pronësie që lidhej me tjetërsimin e 45 mijë metrave katrorë tokë publike në Gjirin e Lalzit. Po ashtu, ai i ka shpëtuar edhe disa atentateteve
