Ambasada Amerikane në vendin tonë ka publikuar një njoftim me rëndësi për qytetarët të cilët kanë aplikuar për vizë jo-emigruese amerikane.
Në njoftim, stafi i ambasadës u bën thirrje aplikuesve të tregojnë kujdes dhe të jenë të vëmendshëm pasi duhet të caktojnë takimin për intervistë në ambasadën ose konsullatën e Shteteve të Bashkuara në vendin e tyre të shtetësisë ose të banimit. Nëse aplikojnë nga vende të tjera, tarifat nuk do të rimbursohen.
“Vëmendje! Aplikuesit për vizë jo-emigruese amerikane duhet të caktojnë takimin për intervistë në ambasadën ose konsullatën e Shteteve të Bashkuara në vendin e tyre të shtetësisë ose të banimit. Aplikuesit mund ta kenë më të vështirë të kualifikohen për vizë nëse aplikojnë në vende të tjera, dhe tarifat e paguara për këto aplikime nuk do të rimbursohen.”, thuhet në njoftimin e ambasadës, e cila gjithashtu vë një link në dispozicion të qytetarëve që kërkojnë të mësojnë më shumë për procesin.
