Më shumë se 450 mijë palestinezë deri më tani janë larguar nga Qyteti i Gazës për në Rripin jugor, deklaroi zëdhënësja e Forcave të Mbrojtjes së Izraelit, Gjeneral Brigade Effie Defrin në një konferencë për shtyp.
Rreth një milion palestinezë jetonin në Qytetin e Gazës përpara se IDF të niste ofensivën e saj në shkallë të gjerë kundër Hamasit në zonë. Defrin shtoi se që nga fillimi i ofensivës së hënën në mbrëmje, janë goditur mbi 1,200 objektiva terroriste.
Pas kësaj, Hamasi deklaroi se pengjet e mbetura në Rripin e Gazës janë aktualisht të shpërndara nëpër lagjet e Gazës dhe se zgjerimi i operacionit ushtarak izraelit në qytet do të thotë se asnjëri prej tyre nuk do të kthehet në Izrael.
Deklarata nga krahu ushtarak i Hamasit, e raportuar nga Haaretz, deklaroi se “Gaza nuk do të bëhet një objektiv i lehtë për ushtrinë dhe ne nuk do të jemi të kujdesshëm për jetën e pengjeve derisa Netanyahu të vendosë t’i vrasë ata”.
Hamasi deklaroi më tej se “fillimi i operacionit në Qytetin e Gazës do të thotë që armiku nuk do të kapë asnjë peng, të vdekur apo të gjallë”, dhe kërcënoi se “Izraeli po hyn në një luftë rraskapitëse që do t’i kushtojë vdekje dhe pengje shtesë”.
