Deputeti i Partisë Demokratike, Luçjano Boçi tha në Euronews Albania se opozita do shfrytëzojë çdo hapësirë që i mundësohet në Parlament në mënyrë që jeta politike të mos futet në spiralen, ku sipas tij, synon ta fusë kryeministri.
Boçi theksoi se veç veprimtarisë brenda Parlamentit, opozita duhet të ketë edhe një aksion politik të mirëorganuar jashtë parlamentit, ndërsa nënvijëzoi se propozimi i deputetit Gjin Gjoni është pranuar dhe do të ketë protesta.
“Në seancat e radhës të Kuvendit opozita do të vazhdojë të ushtrojë atë pushtet që ka, se atë që kishte iu kuizua me ndryshimet e rregullores, kemi pak hapësirë dhe do ta shfrytëzojmë në maksimum se kemi edhe komisionet hetimore, se këtë do të bëjë ai, të krijojë një situatë që ne të mos jemi në sintoni me atë çka kemi ndërtuar si strategji. Kjo bëhet me qëllim që ta fusë në këtë spirale, që ju kaloni kufirin, unë mbyll parlamentin, unë ul dritat. Kush është ky që ulka dritat e Parlamentit?! Do realizojmë ato hapësira që kemi në jetën parlamentare dhe për mos ta future në këtë spirale ku ai dëshiron për qëllimet e veta, sepse do të shmangë ballafaqimin. Por do ketë edhe aksion politik jashtë parlamentit të mirëorganizuar, duhet të jemi edhe pak të strukturuar. Është vendour që do ketë edhe protesta”, tha Boçi.
