Policia ka arrestuar një shtetas suedez në Devoll, i dyshuar për ndihmën e kalimit të paligjshëm të emigrantëve drejt vendeve të Bashkimit Europian.
I arrestuari, 21-vjeçari Franko Nyawella, u kap në flagrancë teksa shoqëronte dy bashkëkombas të tij që kishin hyrë ilegalisht nga Greqia.
Sipas policisë, ai vepronte kundrejt pagesës dhe dyshohet të ketë bashkëpunuar me persona të tjerë në organizimin e kalimeve të paligjshme për emigrantë drejt vendeve të BE-së.
“Finalizohet operacioni i koduar “Northward”, vihet në pranga një 21-vjeçar (shtetas sudanez), që organizonte dhe kryente këtë veprimtari kriminale, kundrejt pagesës.
21-vjeçari u kap në flagrancë, në fshatin Tresenik, Devoll, duke shoqëruar 2 shtetas sudanezë që kishin kaluar kufirin me Greqinë, në mënyrë të paligjshme. I arrestuari është trajtuar 2 ditë më parë, me masën “Urdhër për largim vullnetar”, pasi është kapur nga shërbimet e Policisë Kufitare, duke kaluar kufirin, në kundërshtim me ligjin.”, njofton policia.
