Karabinierët e Riccione-s në Itali kanë arrestuar një shqiptar 20-vjeçar, që dyshohet se është përfshirë në rrjetin e shpërndarjes së kokainës, edhe pse ndodhej atje si turist, i papunë dhe i pastrehë.
I riu u vu re nga oficerët, teksa lëviztë rrugëve të qendrës së Cattolica. Kur u ndalua për një kontroll, ai menjëherë u acarua, duke i bërë oficerët të hetonin më tej.
Të fshehur në një çantë, ata gjetën 10 gramë kokainë, tashmë të ndarë në doza gati për shpërndarje, informon media italiane.
Në gjyqin e shkurtuar, gjykatësi i Gjykatës së Riminit konfirmoi arrestimin dhe urdhëroi që 20-vjeçari të qëndronte në provincë deri në fund të procesit hetimor dhe gjyqësor, para se të dëbohej nga vendi.
