Një operacion policor është zhvilluar mbrëmjen e kaluar në qarkun e Fierit, për të goditur mashtrimet online lidhur me investimet në platforma të njohura si Xuex dhe Txex. Në pranga janë vënë 6 persona. Gjithashtu u shpallën në kërkim shtetasit E. Sh., 35 vjeç dhe A. Sh. 29 vjeçe, të dy banues në Divjakë.
Të arrestuarit:
Arbër Çela 38 vjeç nga Lushnja
Emanuel Taullau 21 vjeç nga Lushnja
Flavio Mukaj 23 vjeç nga Lushnja
Marius Kodra 28 vjeç nga Tirana
Brunilda Todi 38 vjeçe nga Divjaka
Brunilda Ndini 38 vjeçe nga Divjaka
Çfarë janë platformat XUEX dhe TXEX?
Platformat XUEX dhe TXEX janë paraqitur si mundësi investimi në kriptomonedha, duke premtuar fitime të shpejta dhe të garantuara. Megjithatë, këto platforma janë identifikuar si skema piramidale mashtruese që kanë përthithur miliona euro nga qytetarët shqiptarë dhe emigrantët, kryesisht në zonat e Fierit, Lushnjës dhe Divjakës. Përdoruesve u është kërkuar të investojnë shuma të konsiderueshme, shpesh duke përdorur kriptomonedha si USDT (Tether), dhe më pas janë hasur me vështirësi të mëdha për të tërhequr fondet e investuara.
